راجل كبير دلوقت في قهوة من قهاوي الهرم واقف بيحاسب ومعاه حفيده وهيمشوا، وفجأة سمعنا تسقيف رهيب من الجمهور في حفلة أم كلثوم اللي شغالة في التليفزيون وهي بتغني.. السوكسيه شد انتباه الولد الصغير فشدّ هدوم جده اللي بيحاسب، وقالّه: بص الناس.
الرجل بص للتليفزيون وضحك، وقال لحفيده: دول كلهم أموات.
قالها ومشيوا.. وسابوني مع الخاطر المُرعب ده..
 وصوت أم كلثوم لسه بيغني "الحب كده" والأموات بيسقّفولها.

تحت المطر

أصدقاؤك الذين يُحبون السيرَ تحت المطر، لا تفرّط فيهم.

#أحمد_صبري_غباشي